[glow=000000] أولا هذه كلمات لحنضلة الشخصية الخيالية التي عايشها ناجي العلي لواقع الفلسطيني
ماذا يقول حنضلة في وقعنا الفلسطيني .. وفي اخر الموضوع حمل قصيدة وائل الشيوخي للوحدة الوطنية
حنضلة يتحدث
تعالو يا ولاد اسمعوا.. اتركوا كل شي بإيديكو، خصوصاً هالسلاح اللي عم بتخلصوه عبعض..
ما في حدا يوقفكوا عند حدكو، صح؟ لأ في، أنا موجود!
لوين يا جماعة الخير، ما حلكو تتعلموا؟! هاي هي الأمانة اللي برقبتكو؟ يا عيب الشوم، شوفو الاسرائيلي والاميركي كيف شمتان ومبسوط، شوفو مكرشين العربان كيف دارولكو ضهرهم.. ويا ريت وقفت عند ديرة الضهر...
ما علينا، صحيح ناجي مات، بس مش معنى هالشي انو ما ضل في حدا يحرسكوا ويوجهكوا، كمان انا موجود.
يا ولاد، ما في غير هالحل يرجع بلدنا اللي ضاعت، اول شي تعرفوا انو هالسلاح اللي بإيدكو غالي كتير، وما لازم يتوجه غير على عدو واحد. اتحدوا، اتفقوا مع بعض، وافهموا. فيكو تفهّموني شو الفرق بين اليوم وقبل 25 سنة؟! ما اتغير شي، حتى انتو يا ولاد فلسطين ما تغيرتو، نازلين تزقفوا للي بسوى وما بسوى، وتمشو ورا اللي ضيعوكو وضيعو فلسطين، تقول هاي مش بلدكو!! تقول اللي مات لا هو اخوكو ولا اختكو ولا امكو ولا ابوكو، تقول هللي استشهدوا ولاد حرام مش ولادكو!!!
طيب وبعدين؟ افهموا لمرة وحدة بس، بس افهموا كلكو، لأنه لو فهمتوا ببطل في بلد ضايع، والحق برجع لصحابو. دور عليكو بتلاقيكو فهمانين وعم تستعبطوا! طب بلا عباطة.. جوعانين؟ ما كلنا جوعانين وعايفين سمانا، نوكل بعض يعني! مين اللي جوعكو؟ مين اخوات الشليتة اللي حابسين عنكو المصروف؟ بدكو تعرفوا مين، اسمعوا كسينجر قصدي رايس شو بتقول واعرفوا انو العكس مزبوط. عليهم، مش على بعض!
يا فرحة اسرائيل فيكو، ويا فرحة اميركا فيكو، ويا فرحة "اخو الشليتة" ما غيرو فيكو. مش ناويين تعقلوا؟
ارجعوا للبيت اللي عمرنا بره، واللي تكسر لما فاتو هالكم واحد على ضهور الباقي. ما إلكو الا هالبيت يجمعكوا، ويا ريت يكون غرفة وحدة بس، زي خيمنا، وبلا كتره حيطان، ما في شي بحرز لتختلفوا قدام اللي لازم تتفقوا عليه، ولكو اطلعوا لمرة وحدة بس من مصالحكو الضيقة، وحياة ترابات فلسطين غير تكون الأخيرة... برقبتكو احق قضية بالعالم كله، ليش قاعدين توسخو فيها؟ مين قلكو تقلبو الحق باطل والباطل حق!؟ ناقصنا ظلم نظلم بعضنا؟ ناقصنا قتل نقتل بعضنا؟
خايفين من اسرائيل وبتستقووا على بعض؟ ولكو ما شفتو كم واحد بلبنان المرة الماضية كيف لعبوا بالاسرائيلية؟؟ بلاش لبنان، قلة بطولات واساطير وملاحم، ولاّ هاي بس بالخطابات والبيانات بتعرفوها؟؟
وانتو يا عرب، وينكو؟ وين العالم؟ مسكتتكو هالأنظمة؟! وينتا رح تفهموا انها أنظمة كرتونية هزتها ريشة ناجي وما اتحملتها؟! عاجبكو التقسيم والخرايط اللي انرسمت بالمسطرة!! لا بدي اياكو تتحركوا لا عشان فلسطين، ولا عشان العراق، اتحركوا عشان حالكو، شوفو هالكروش قديش عم توكل وانتو بتباتو بلا عشا...
حرام عليكو يا ولاد، بكفي، ولكو لا بدي تياب جديدة، ولا بدي لعبة عالعيد، ولكو بصرخ فيكو، لو في عندكو شوية كرامة بس "خلوني أكبر، خلوني أكبر، خلوني أكبر!!"..
؟؟!![/glow]
قصدية روعة للمتألق وائل الشيوخي
موضوع: قصيدة الوحدة الوطية لكل فلسطيني **يحملها** 
الأربعاء سبتمبر 10, 2008 2:06 pm
